Oslo film festival del #1

Det er få ting som kan passe så godt ein sein haust-dag som å komme inn i kinosalen, kjenne på følelsen av å gå på kino med andre som er like interessert i dette flotte mediet som du er, sette seg ned og oppleve at filmen startar til annonsert tidspunkt ( og ikkje med 20minutt reklame først ) og nyte ein god time eller to i relativ stillhet og respekt for kinosalen sin flotte atomsfære! Det er haust, og Oslo Internasjonale Film Festival har vart i 4 dagar, status så langt: 4 filmar, 3 gode og ein heller dårleg.

Slike festivalar er tidspunktet der ein kan oppleve eit utvalg filmar som ein ellers ikkje vil få mulighet til å sjå på kino, kanskje ikkje på DVD ein gang. Så eg nyttar høvet når det er festival i byen til å få med meg så mykje som mulig. Oppskrifta er som følger: bla opp i festivalheftet, gå gjennom dag for dag og kryss av dei ein kunne tenkt seg å sjå utifra dei få linjene det står skrive om den. Litt av fasinasjonen er å la seg styre litt av kva arrangørane har satt opp, sjå på filmar ein kanskje ellers aldri ville ha tenkt seg to gangar om å ha sett. Sjølvsagt: eit par avgjerder har måtte bli tatt ved hjelp av ein trailer og lett lesing sidan ein del filmar har det med å komme på samme tidspunkt. Men ellers er det godt å berre la seg forføre av det som er å få sett på kinoen.

Her er filmane eg har sett så langt:

Fredag: Cold Fish (imdb)
Interessant film fra Japan om eit par som eig ein fiskebutikk: deira heller kjedlege kvardag og kva som møter dei utanfor deira lille private boble av eit liv. Starten gir eit flott bilde av ein satt person som gir uttrykk for eit samfunn i total mangel på empati og framdrift. Personkarakteristikken av Shamoto som underdanig og som ein person som ikkje står opp for seg sjølv (eller sin familie) er flott tolka. Filmen utviklar seg til ein massemord/splatter/gore film med eit par scener som lett kan karakteriserast som provoserande for ein del, men som i filmen står fram som flotte (og viktige ) verkemiddel for hovedpersonen å ta stilling til.

Kan absolutt anbefalast!

Laurdag: Om Gud og Mennesker (imdb)
Satt i Algerie på eit kloster med 8 munkar er denne filmen igjen ein film eg kan anbefale å få med seg. Her derimot er tempoet tatt ned mangen hakk og vi følg munkane i klosteret i deira samhandling med den lokale landsbyen og den lokale styresmakta. Handlinga sentrerar rundt eit viktig spørsmål: skal (religiøse) terroristar presse dei ut av klosteret der dei oppheld seg? Det flotte med filmen er samhandlinga og den nærheta vi får med karakterane i filmen: dynamikken mellom dei, spørsmåla, trua, tvilen og ikkje minst religionen. Ei gripande scene mot slutten der dei alle sitt rundt eit bord og nyt eit måltid mens dei lyttar på klassisk musikk fekk håra på armen min til å reise seg – ingenting blir sagt, men heile filmen kulminerar her.

Ein flott film for ettertanke og refleksjon!

Søndag: The sleeping beauty (imdb)
Nei: den her tok eg ikkje. Skodespelarane gav meg ingenting, historia gav meg null og niks….. Muligens andre hadde ein fin kveld med denne, men det var iallefall ikkje tilfellet for meg. Beviser berre at det er ein fin ting med film festivalar: alt kan ikkje passe alle.

Mandag: Rare exports: A christmas tale (imdb)
Kan oppsumere denne enkelt: eg vil gå og sjå denne filmen ein gang til!
Fantastiske karakterar, flott historie, passa min humor  perfekt ein kald mandags kveld i Oslo! Eg kunne ha skrive langt og lenge om denne, men eg veit ikkje heilt kvar eg skal starte, så: sjå traileren og kom deg på kino:

Oslo Film Festival pågår fram til Søndag, og det er nok av filmar å få med seg: Kom deg på kino i dag!

Festivalkortet kostar 60,- men da får du ein dagens kaffi på Stockfleths kvar dag heile festivalperioden! Fleire rapportar kjem mot slutten av veka.