Lam i stout

Det er fårikål tid og masse godt kjøtt i butikkane, tradisjonelt koking kunne ha vore ein plan, men med kulda og mørket i haust fekk eg lyst på ei irsk gryte med stout. Den tradisjonelle oppskrifta inneheld Guinness, men valget falt på ein Svart Hav  fra Kinn (som eg har skrive om tidlegare).  Dette er ingen eksakt oppskrift: ta det du har tilgjengleg og legg sammen i ei gryte: det er berre ein ting som er virkeleg viktig: nok tid i gryta/ovnen! Eg brukte ovnen, men dette kan gjerast på samme måte med ei gryte og lav temperatur.

Ingrediensar:

• Stout – kva som helst går bra, 0.5l
• Potet, gulerot (alt av rotgrønsaker kan brukast)
• Seleri
• Løk (skjer i 1/4 stykker)
• Kvitløksbåtar
• Timian/Persille
• 1kg fårikålkjøtt
• Tørka traktkantarell
• Kjøttbuljong
• Salt, peppar

Brun først kjøttet i eit par omgangar – ha på litt vatn og kok inn mellom kvar runde, ha kjøttet og avkoket oppi ei gryte og fortsett til du er ferdig med steikinga. Etter dette er det enkelt: ha i stout, litt kjøttbuljong, potet/gulerot og dei andre ingrediensane – mengde avheng litt av kor mangen personar du skal servere til. Igjen: Dette er ingen vitenskap, ha i det du ønsker. Min spesialingrediens i denne gryta er tørka traktkantarell som eg plukka på vestlandet i fjor – gir ein fantastisk smak til sausen!

Slik ser gryta mi ut før eg sett den i ovnen i 2-3 timar, prøv deg litt fram med temperatur (gryta mi har lokk og tar litt lengre tid å få ferdig) – eg brukte 2 1/2 time med temperatur på rundt 170 grader.

Gryta etter koking: kjøttet er nydeleg mørt og grønsakene har tatt til seg masse god smak fra avkoket etter steikinga og ølet. Serverte denne med Svart hav, men den er nok litt på søt-sida av stout så den passa ikkje perfekt men var interessant å prøve til – skal prøve ein litt sterkar/fyldigare stout neste gang.