Cantillion Gueuze
Cantillion Gueuze
Bryggeri: Brasserie Cantillon Brouwerij
Type: Cantillion Gueuze Lambic Bio
Alkohol: 5%
Tilgjengleg på vinmonopolet, 92.90,-/75cl
Lukt: Salt, syrleg, tankane går til spekemat, det her må berre være bra til ein forrett med speka kjøtt og pølser
Smak: oh… .syrleg! Masse syre her! Men, ganske så frisk når ein har tatt seg tid til å venne seg til denne, sitrus, salt kjøtt. Masse småbobler gjer den leikande i munnen. Dette er syrlege gule sitrondrops som gjer at du får frysningar nedover ryggen!
Denne hadde eg ein smak av på håndverkerstuene tildlegare i år, men kjøpte eit par 75cl flasker for å sjekke korleis den er over litt lengre tid og under meir kontrollerte forhold (den blei smakt under ei ølsmaking, og da kan det gå litt fort for seg til tider). Dette er øl ein må venne seg til, første slurken kjem som ein overraskelse på smaksløkane! Eg skal få tak i litt spekemat ein dag og undersøke om teorien min vil slå til.
Ein ting med denne flaska: best før dato er 2030! Eg skal kjøpe nokre flasker og opne i 2015, 2020, 2025 og 2030, så håpar eg på at denne bloggen fortsatt er i live og at eg kan sjå på korleis den har utvikla seg over lang tid.
Sapient Trip Ale
Sapient Trip Ale
Bryggeri: Dark Horse Brewing Company
Type: Sapient Trip Ale
Alkohol: 8.5%
Tilgjengleg (iallefall) på vinmonopolet i Vika i Oslo for 58.90,-/33cl
Lukt: Søt, kanskje litt anonym? frukt: kanskje litt tørka aprikos eller liknande med eit hint av karamell
Smak: Her kjem karamellen fra lukta meir fram, i tillegg er det og mørke tunge tørka frukt på tunga. God malt – om eg kan karakterisere den som tung malt – den sitt tungt i munnen, men utan å være plagsom. Innimellom kjem det ein sitrus smak som overraskar! Ein lang og mjuk avslutning som ein kan smatte ganske lenge på.
Ein Øl som ein kan ta seg litt tid med. Absolutt noko eg kan anbefale til ein til tung-søt dessert, fruktkake kanskje?
Kompani 69: Hunddaga
Artist: Kompani 69
Album: Hunddaga
År: 2009
Plateselskap: Ukjent
ID: k690004
Kompani 69 fra nord-norge har holdt på sidan 2001 og består av Anders «Megafon» Kristoffersen, Tommy Payne og Patrick «RSP» Bottolfsen fra Harstad. Denne gjengen er godt kjent blant hiphop kjennarar over heile landet men blant resten av befolkinga er nok dette litt meir undergrunns musikk.
Hunddaga er det siste albumet fra K69 og har i det siste dukka opp gang på gang på spelelista mi. Grunnen er enkel: Gode beats, dyktige folk og tekstar som slår hardt på nord-norsk. Må seie at eg er imponert av RSP og ser spesielt fram til albumet som vistnok skal komme. RSP er ein av dei betre personane her i landet på mikrofonen: flyten og den særeigne stilen gjer at han lett kjem høgt opp på mi liste over folk ein burde holde eit auge med.
Om det fortsatt er mulig å få tak i dette albumet i fysisk format er ukjent, og så vidt eg veit er det berre gitt ut på CD. Digitalt er det fortsatt mulig å få tak i (sjekk linkar under). Om du ikkje høyrer på heile albumet så synst eg du burde ta deg tid til å høyre på desse låtane: «Blank«, «Krættur», «Hunddaga» og «120 te drømmeland«, sjå iallefall videoen eg har lagt til under her.
Eg manglar «Trick Shot» EPen fra K69, så vist du har dette på CD er eg interessert i å høyre fra deg.
Atna – stabbursøl
Bryggeri: Atna
Type: Stabburøl
Alkohol: 4.7%
Filtrert: Nei
Pasteurisert: Nei
Dette ølet skal ha «spor av villmark» i seg ifølge flaska. Lukt: Syrlig, lett honning. Smak: noko krydder, lett syrlige smak som kjem gjennom fra lukta, litt tørr mot slutten, syrleg humle, frisk, absolutt eit sommarøl.
Ikkje eit dumt øl, har masse smak, men står ikkje fram som eit øl eg vil drikke masse av eller anbefale til absolutt alle.
Omtale: Lasse
Artist: Jaa9 & OnklP
Album: Lasse
År: 2011
Plateselskap: Sony
Produsert av: Slipmats, Nasty Kutt m.fl.
Jaa9 & OnklP har starta 2011 med å gi ut «Lasse», dette 6-spors mini albumet er det første av to i år: med «Geir» som kjem seinare i år har dei da gitt ut «Lasse & Geir», tilsammens ein hyllest til filmen med samme tittel: «Lasse og Geir» (sjekk 10min versjonen på youtube vist du vil ha ein kjapp introduksjon til filmen). Plata kjem både på CD og på mp3 via diverse digitale butikkar, men den kjem og på vinyl! Det skal dei ha, ikkje mangen norske hiphop plater som kjem ut på vinyl no om dagen.
Det er 8 år sidan Jaa9 & OnklP slapp sitt første album og dei har komt ein lang veg sidan den gangen. Denne gangen leverar dei eit meir reflektert album tekstmessig (sjølv om den litt rølpete partyfaktoren, som dei beherskar meget bra, dukkar opp).
selv om åra går og det er no jeg ikke kan forandre veit jeg hvor jeg står og at utgangspunktet er det samme
Eg har hatt nokre gjennomlyttingar no og Jaa9 & OnklP slår meg som meget gode på ordspel: dei leikar seg med ord og rim på ein betre måte en dei tidlegare albuma sine. Det er bla. interessant å høyre reflekteringa over seg sjølv og livet sitt på «Du Eller Jeg» som klart framstår som den beste låta på albumet. Men du har og partylåta «Partysvenske» som tar ting veldig på kornet (ja, eg bur på løkka).
Beatmessig er denne plata litt skeivt fordelt: dei to første låtane produsert av slipmat er ikkje heilt der det kunne ha vore, det blir litt enkelt i lydbildet føler eg. Midtseksjonen er bra, men det er mot slutten av plata det blir verkeleg bra: «High Five» produsert av Nasty Kutt framstår som ein meir gjennomført beat – det er betre harmoni og behagleg lydbilde i låta, komposisjonen er godt utført! ( Eg ser fram til å sjå kvar Nasty vil ende opp, han fortsett å imponere med beatsa sine). Heilt til slutt tar slipmat verkeleg i og leverar godlåta på denne plata: «Du Eller Jeg» som lett overgår dei andre produksjonane sine på plata! Dette vil eg høyre meir av!
Lytt på iTunes :: Spotify
På twitter: Jaa9 & OnklP
ikke mer å se, ikke mer å shoppe, jeg er redd det er for seint å redde joppe
Høyr albumet her: